Dak Nông: pơgơ̆r Hop akŏm apŭng plĕnh teh găh hơgơp kông ŭnh ‘măng mă 20
Thứ tư, 11:15, 23/11/2022
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - ‘Năr brei 22/11, tơ̆ dêh char Dak Nông hlôi pơgơ̆r Hop akŏm apŭng plĕnh teh găh Hơgơp kông ŭnh ‘măng mă 20 (ISV20) păng Hop akŏm Khoa hŏk “15 sơnăm hơtŏk tơiung Cham char ‘lơ̆ng rŏ tơ̆ Việt Nam” kiơ̆ trong kơtă păng trực tuyến.
Pơgơ̆r truh đĭ ‘năr 26/11, hăm tơdrong jang: “ vei răk păng hơtŏk tơiung kơjăp dôm kông ŭnh păng hơgơp kông ŭnh”, ‘nâu jĭ ‘măng mă blŭng Hop akŏm apŭng plĕnh teh găh kông ŭnh đei pơgơ̆r tơ̆ Việt Nam.
Hop akŏm đei dôm ‘măng pơma dơnuh găh: Teh, cham char, tơdrong pơjing kông ŭnh; iŏk yua hơgơp kông ŭnh, tơmam bri băh lơ̆m hơgơp, vei lăng hơgơp; Roi tơbăt dăr hơlen hơgơp păng hla ar chih răk. Yă Tôn Thị Ngọc Hạnh, Phŏ Kơdră Anih vei lăng kon pơlei dêh char Dak Lak, tơbăt tơdrong iŏk pơgơ̆r Hop akŏm ISV20 ‘noh jĭ 1 tơdrong jang tơbôl gĭt kăl, tơgŭm tơring roi tơ ƀôh đei yua tơdrong jang hơgơp kông ŭnh - tơmam kăp gĭt kơ apŭng plĕnh teh.
Viết bình luận