Kiơ̆ xơkơ̆t đơ̆ng Anih vei lăng kon pơlei dêh char Đăk Nông, tơdrong jang tơplih kơsô̆ hlôi pơjing đei tơdrong tơnăp truh tơdrong jang mŭk drăm tơpôl tơ̆ tơring.

Truh dang ei, tôm 71 xăh, phương, thĭ trâ̆n tơ̆ dêh char đei chô̆ ka kuang; tôm thôn, pơlei hlôi đei sŏng 4G; 73,08% kon pơlei đei yua internet... Tôm tơring, anih jang kơ dêh char hlôi pơkăp hla bar hanh chĭn hăm kơsô̆ pơkăp QR-code. Dêh char hlôi pơjing đei 713 khul kŏng ngê̆ sô̆ tơ̆ thôn hăm kơ rơbâu 'nu vang jang, jing khul chă tơroi tơbăt, tơgŭm kon pơlei iŏk yua dôm kŏng ngê̆ 'măn ăn tơdrong erih. Kiơ̆ đơ̆ng tơplih kơsô̆, kơ rơbâu tơmam choh pơtăm kăp gĭt kơ dêh char hlôi đei hơ 'nhăk tĕch kiơ̆ pơkăp điê̆n tưh. Tôm anih jang mŭk drăm lơ̆m dêh char chih măt ăn thuê̆, điê̆n tưh, 90% kơsô̆ jên mong ăn teh đak đei jô̆ hơlen hăm pơkăp điê̆n tưh.