Hlŏh 1 sơnăm tơlĕch, Khŭl chĕp pơgơ̆r hlôi sơng iŏk đei 64 ƀai chĭh vang pơlong.

Kiơ̆ hơlen, rim ƀai chĭh hlôi kiơ̆ ‘moi ƀlep trong, chĭh tơbăt tơtom dôm tơdrong kơtơ̆ng ang lơ̆m dêh char, mă kăl ‘nŏh tơbăt hơdăh tơdrong lăp mĭnh ƀơ̆r đon lơ̆m pơđĭ khŭl chĭnh trĭ lơm jang kiơ̆ tơdrong tơchơ̆t Pơm lêh hop akŏm Đảng rim hơnĭh păng Tơdrong tơchơ̆t Pơm lêh hop akom Đảng dêh char ‘măng mă XII, jăl jang 2020 - 2025; tơ iung pơjing, hơmet ming Đảng; hŏk pơhrăm păng pơm kiơ̆ jơhngơ̆m đon ‘lơ̆ng, bơ̆ jang hơgei kơ Ƀok Hô ... chĭh tơbăt tôm tong tơdrong erĭh sa tơpôl. Tơ̆ jơ pơm lêh, Khul chĕp pơgơ̆r hlôi Pôk tơmam drăm ăn 36 ƀai chĭh ‘lơ̆ng hơ iă, lơ̆m au đei 3 tơmam hơpăh A, 9 tơmam hơpăh B, 15 tơmam hơpăh pơchhơp jơhngơ̆m; adoi, pôk bơnê 2 khul jang ‘lơ̆ng lơ̆m tơlĕch jang kiơ̆.