Mă hơdăh, jăl jang 2016 – 2020, lơ̆m dêh char hlôi pơkom hlŏh 49 trĭu 600.000 Kwh; sơnăm 2021 pơkom vă jê̆ 11 triu Kwh hăm akŏp kon jên dang 20 ti hlak jên. Ŭnh hơyŭh pơkom lơ̆m mĭnh poăt sơnăm au ‘nŏh 5 trĭu 550.000 Kwh, hơtŏ hăm 10 ti hlak jên.

Rim tơring, hơnĭh jang tơ̆ Đắk Nông hlôi hơdrin chă pơtho khan, tơƀô̆h tơbăt tơdrong iŏk yua pơkom ŭnh hơyŭh ‘lơ̆ng hơ iă; jang kiơ̆ pơkom ŭnh hơyŭh lơ̆m pơprŏ jang, tơmơ̆t jên jang, vei lăng, iŏk yua rim ŭnh hơyŭh tơ̆k hơdăh, tơ iung ming man, trong gre nơnăm, hnam kmăi pơm tơlĕch tơmam drăm ... mă kăl nhen iŏk yua ƀŏng kơđeng led, tơ̆k hơdăh hăm kmăi tôm mơtĭk rim kơƀŏng kơđeng tơ̆ trong gre, koeng kơphô̆; jang kiơ̆ trong jang chŏh jang sa kmăi kmŏk hơgei, tơruih pruih đak pơkom…