VOV4.Bahnar - Kial hơbŭt ksô̆4 hlôi pơm ăn ŭnh hơyŭh tơ̆ dêh char Quảng Nam hư răm kơtang. Lăp đơ̆ng rŏng sơng iŏk đei nơ̆r pơrô̆ đơ̆ng Tổng Công ty Điện ŭnh hơyŭh miền Trung, Công ty ŭnh hơyŭh Dak Nông hlôi pơjing 2 khŭl năm jang tơgŭm ăn dêh char Quảng Nam hơmet ming pơ ‘lơ̆ng ŭnh hơyŭh.

Kiơ̆ kơ ‘nŏh, mơjĭt ‘nu kang ƀô̆ kŏng nhân atŭm hăm bơ̆n gre kmăi kmŏk hlôi năm trŭh tơ̆ apŭng Núi Thành, dêh char Quảng Nam hơmet pơ ‘lơ̆ng đơ̆ng kial hơbŭt pơrăm. Tơ̆ hơnĭh, đĭ đăng jrăng ŭnh hơyŭh kial hơbŭt tơhlu pơm ăn tơgơ̆, tơlĕi ŭnh hơyŭh kơtĕch, đak lơ̆p ... Rim kŏng nhân hlôi tĕnh koăng dăr lăng hơmet pơ ‘lơ̆ng sơđơ̆ng tĕnh koăng. Kŏng nhân PC Đắk Nông ư̆h kơ ‘nhoen ‘mi tĕh, tŏ sa iung jang hơnơ̆ng vă tơgop hơmet keh đang hrôih, pơtrŭh ŭnh hơyŭh ăn kon pơlei Quảng Nam.

VOV/Amazưt tơblơ̆ nơ̆r