VOV4.Bahnar - Pơ gê ‘năr 6/7, tơ̆ Hà Nội, Đảng bộ Grŭp rim anih jang Trung ương pơ gơ̆r hop akŏm Khŭl chĕp kơ̆l pơ gơ̆r ‘măng mă 9. Hop akŏm pơ tôch tơ drong jang 6 khei blŭng sơ năm păng trong jang tơm 6 khei hơ tuch sơ năm đơ̆ng Đảng bộ Grŭp. 6 khei âu ki, Đảng bộ Grŭp rim anih jang Trung ương hơ nơ̆ng jang kiơ̆ tơ drong tơ chơ̆t hop akŏm 13 kơ Đảng, tơ drong tơ chơ̆t đơ̆ng Đảng bộ Grŭp, dôm tơ drong hơ găt pơ tho ‘nao đơ̆ng Trung ương vă pơm hơ dăh tơ drong tơm păng dôm tơ drong hơ iă tơ lĕch ăn tơ drong bơ̆ jang.

Găh hơ năp jang dôm khei uơ oei dơ̆ng kơ sơ năm, ƀok Nguyễn Thành Nam Kơ dră Anih hơ len lăng, Đảng uỷ Grŭp dôm anih jang Trung ương tơ roi rơ đăh, Đảng bộ Grŭp gô hơ nơ̆ng tơ plih ‘nao, hơ tŏk ‘lơ̆ng đei yua tơ drong chĕp kơ̆l, pơ gơ̆r bơ̆ jang kiơ̆ hơ năp jang dăr hơ len, hơ len lăng. Bơ̆ jang kiơ̆ hơ nơ̆ng, tôm tơ drong jang hơ len lăng, dăr lăng ki luơ̆t đơ̆ng Đảng vă pơ yua ăn hơ năp jang chĭnh trĭ, tơ drong jang pơ jing, hơ met ming đảng rơ goh, pran kơ jăp.

Thuem: Tơ blơ̆