VOV4.Bahnar - Đảng ƀô̆, khul kơ dră pơ gơ̆r păng kon pơ lei dôm hơ drĕch hơ drung dêh char Dak Lak pơ gơ̆r pơm lêh tih năm hơ pong đe linh lôch tang tĕh đak tơ̆ pơ sat linh dêh char. Tơ̆ lêh mât hơ pong, tang măt ăn Đảng ƀô̆, khul kơ dră pơ gơ̆r păng kon pơ lei dôm hơ drĕch hơ drung dêh char Dak Lak hơ kŭh kơ̆l sŏh nhang, plang pơ kao ƀlŏk hơ dơ̆r, tơ ƀôh đon ‘mêm bơ nê tôch ai hăm đe linh kơ tang nuih mơng, lôch tang ăn yoa tơ drong tơ blăh iŏk rơ ngei hơ drĕch hơ drung.

Lêh soi kơ kŭh kơ đe linh lôch tang tĕh đak đei pơ gơ̆r tih tơ̆ pơ sat linh dêh char Dak Lak

Tưk tơ iung tơ drong juăt Nhă đak ƀlŏk kơ tu, lơ̆m dôm sơ năm  âu ki, dêh char Dak Lak đĭ jơ hngâm vei lăng năng tông truh tơ drong arih xa găh tơ mam drăm, jơ hngâm đon ăn đe linh jĭ rơ ka, linh jĭ jăn, unh hnam linh lôch tang tĕh đak, Mĕ Việt Nam nuih mơng, bơ ngai đei kŏng hăm kăch mang. Dôm tơ drong jang tơ gŭm ăn bơ ngai đei kŏng, man tơ gŭm hnam oei, hơ păh hla ar mong jên... rim sơ năm đei bơ̆ jang hơ nơ̆ng hăm kơ sô̆ jên hlŏh 25 ti.

Dơ̆ng: Tơ blơ̆