Phó Bí thư Đảng kơ Khul kơdră teh đak Nguyễn Đức Phong pơma hơdăh, tơdrong thi jĭ tơdrong jang chinh trĭ – đon tơchĕng gĭt kăl, tôch đei yoa vă hơiă kơ ‘măng Pơgơ̆r đang ‘lơ̆ng Hop akŏm mă XIV kơ Đảng, Pơgơ̆r đang tơdrong pôk rơih bơngai tang măt Quốc hội jăl XVI păng Jơnŭm pơgơ̆r kon pơlei jơ̆p tơring đơ̆ng 2026-2031.

Kiơ̆ đơ̆ng tơdrong thi vă hơnơ̆ng vei lăng, tưk tơiung păng chih tơlĕch hơdăh dôm tơdrong jang tơm lơ̆m Hla ar chih kăl kơ Hop akŏm, vang tơgop hơmet kơjăp tơdrong drơ̆ng 1 nơ̆r lơ̆m Đảng, pơjing tơdrong vang tơgŭm lơ̆m tơpôl, tưk tơiung đon hơpơi ‘mĕh jang tŏk teh đak. Tơdrong ‘nao sơnăm ‘nâu ‘nŏh pơih xă tơdrong thi tơklep hăm tơdrong jang đơ̆ng Anih chĕp kơ̆l Đảng kơ Khul kơdră teh đak, akŏm lơ̆m dôm trong jang tơiung pơjing Đảng ƀô̆ rơgŏh ‘lơ̆ng, pran kơjăp, yak hơdrol lơ̆m tơdrong jang khoa hŏk kơmăy kơmŏk, tơplih ‘nao rơgei păng tơplih hăm kơmăy sô̆, atŭm hăm ‘nŏh tơlĕch dôm tơdrong pơcheh pơjing Khul kơdră teh đak bơ̆ jang tơpăt ‘lơ̆ng, hơbĕch hơbal, pơjing tơdrong hiôk hian vă jang tŏk hrĕnh păng pran kơjăp.