VOV4.Bahnar - "Athei rim anih jang kơ pal kăl kơ hơ tŏk loi dơ̆ng tơ drong jang hơ len lăng, dăr hơ len tơ drong tĕch mơ dro tơ mam pơ yua ăn tang găn jĭ hơ buh COVID-19 nhen pơ gang hơ met, kit hơ len lăng, kơ măy pơ tŏ nồng độ oxy pham,... vă tơ gop pơm pơ tôch tơ drong hơ tŏk kơ jă dôm tơ mam âu păng vei lăng jơ hngơ̆m jăn kon pơ lei, vei lăng tơ drong đei yua trŏ ƀlep đơ̆ng bơ ngai răt yua. ‘Nâu jĭ 1 lơ̆m dôm nơ̆r athei đơ̆ng Khŭl kơ dră chĕp kơ̆l Anih jang Khôi luơ̆t kơ Kuôk hô̆i tơ̆ Hla ar chih tơ roi tơ băt găh 1,2 tơ drong ƀơm truh tơ drong jang tang găn jĭ hơ buh COVID-19 găh tơ drong jang Anih jang khôi luơ̆t vei lăng âu ki. Lơ̆m giĕng âu ki, lơ tơ ring hlôi đei kơ sô̆ bơ ngai jĭ COVID-19 ‘nao tơ̆ hơ iŏk tŏk lơ, mă loi ‘noh ƀơ̆t đe hŏk tro ‘nao năm hŏk akŏm hơ lơ̆k dơ̆ng. Mă lei, tơ drong pơ tho hơ len lăng, ăn oei hơ drô̆ hơ len lăng jơ hngơ̆m pran hăm hŏk tro đei tơ drong jĭ hơ drol, trong hơ met pơ ‘lơ̆ng mưh đei hŏk tro jĭ COVID-19 tơ̆ hnam trưng hŏk, khei ‘năr ăn oei hơ drô̆ tơ̆ hnam hăm hŏk tro hrei ‘nâu tam mă tơ pă rơ đăh ‘lơ̆ng.

Thuem: Tơ blơ̆