VOV4.Bahnar - Ƀơm truh tơ drong chă phă kơ dih bri Pơ gar ‘long teh đak vă pơm trong Trường Sơn Đông, Anih vei lăng kon pơ lei dêh char Dak Lak ‘nao đei hla ar athei Anih tơm jang tơ gŭm - Anih tơm vei lăng khŭl linh athei pơ dơh hloi tơ drong jang pơm trong. Dêh char Dak Lak kŭm athei Anih tơm jang tơ gŭm jang hơ dai kơ jăp hăm anih jang kơ pal kơ dêh char Dak Lak vă hơ len lăng, băt hơ dăh, hơ met ‘lơ̆ng dôm tơ drong pơm glăi lơ̆m tơ drong jang pơm trong Trường Sơn Đông lơ̆m teh bri tam mă đei tơ plih tơ drong iŏk yua. Hơ dai hăm ‘noh, Anih tơm jang tơ gŭm kăl kơ mă tơ tĕnh jang tơ gŭm bơ̆ jang, tơ roi tơ băt dôm tơ drong tơm đơ̆ng Anih vei lăng kon pơ lei dêh char Đắk Lắk păng Anih tơm vei lăng găh choh jang sa păng hơ tŏk tơ iung găh tơ drong dăr hơ len, akŏm pơ đĭ hơ găt teh bri, kơ loăi bri tơ pă yan âu kăl kơ tơ plih iŏk yua bri đơ̆ng tơ drong jang pơm trong Trường Sơn Đông. Kiơ̆ đơ̆ng noh, pơm vă tơ roi tơ băt ăn Anih tơm vei lăng găh choh jang sa păng hơ tŏk tơ iung tơ ring tơ rang jang kiơ̆ pơm hla ar tơ plih tơ drong iŏk yua bri jing tơ drong tơm nai.

Thuem: Tơ blơ̆