VOV4.Bahnar - Dơ nŏ anih vei lăng kon pơ lei dêh char Kon Tum ‘nao đei hla ar pơ tho ăn Anih vei lăng trong nơ năm hơ tŏk hrĕnh tơ drong jang pơm hơ met trong gre 24 tơ̆ dêh char Kon Tum.

Pơm hơ met trong gre 24 jăl trong kơ dâu klĕch apŭng Kon Plông

Kiơ̆ kơ ‘nŏh, Dơ nŏ anih vei lăng kon pơ lei dêh char Kon Tum athei Anih vei lăng trong nơ năm dêh char pơ gơ̆r, jang hơ doi hăm dôm anih đei ƀơm truh dăr hơ len, vei lăng tơ drong jang, hơ nơ̆ng pơ tho tơ ƀôh athei anih iŏk jang akŏm jơ hngâm, kơ măy kơ mŏk bơ̆ jang mă hrĕnh; tơ gĕch iŏk khei ‘năr tŏ ‘mi kial sơ đơ̆ng ‘lơ̆ng, pơ gơ̆r hơ tŏk ka jang, vă gơ̆h bơ̆ jang hrĕnh, trŏ khei ‘năr hơ găt hlôi đei hơ len ming păng tơ lĕch đĭ jên hlôi đei pơ jao vă gơ̆h jang kĕh trŏ khei ‘năr păng kơ jăp ‘lơ̆ng. 

Anih vei lăng trong nơ năm athei pơ tho vei lăng, pơ truh tôm bơ ngai jang, hơ tŏk tơ drong dăr lăng vă bơ̆ jang trŏ ki thuơ̆t, pơm đei trong ‘lơ̆ng; vei kơ jăp jơ năr jang, tơ tom hơ met pơ ‘lơ̆ng dôm tơ drong ưh kơ lăp, tơ lĕch nơ̆r athei sek tơ lang dôm anih jang ming man jang ưh ‘lơ̆ng, hiơ̆ hyĭn.

Dơ̆ng: Tơ blơ̆