VOV4.Bahnar – Dôm xơnăm kơ âu, minh [ar unh hnam kon pơlei tơ\ apu\ng Chư Sê, dêh char Gia Lai hlôi chă axong man hnam rong xem ple\ng hăm tơdrong hơpơi chă đei hơyak jang 'nao lơ\m hơto\k mu\k drăm. Hăm kơjă tơpu xem ple\ng te\ch hơnơ\ng kơ kăp truh kơ tih hlj rim xơnăm.

          {ok Phạm Tiến Dũng jing bơngai yuk trong hơlâu lơ\m tơdrong jang rong xem ple\ng tơ\ Chư Sê. {ok ăn tơbăt, xơnăm 2014, ăh 8ha tiu kơ unh hnam [ơm lôch kơyuơ pơrang, [ok tơchă trong jang 'nao. {ôh hơdăh Chư Sê đei lơ mu\k drăm găh rong xem ple\ng, [ok axong jang păng hlôi đei jơnei: “Khei 10/2014 inh bơ\ đei hnam xă 90m2, hloh 7 xơnăm noh hnam 90m2 đei yua truh 20 k^ minh khei. Dang ei hnam rong xem ple\ng to\k truh 1000m2 tăp dăr hnam oei. Đei yua tơm đơ\ng rong hnam mă mônh păng mă [ar, hnam mă 2  noh xă 300m2, đei yua 7 - 8 k^ minh khei. Rong xem ple\ng pơkăl đunh khei năr, ăh xơnăm mă mônh, mă 2, mă pêng noh đei yua răh rai, ưh hơto\ hăm xơnăm mă 4, mă 5 ôh. Blu\ng xơnăm 2022 kơjă tơpu xem ple\ng to\k ưh măh ê, kơjă to\k truh 24, 25 tr^u hlj 1 k^ kơtuăl”

        Nhen thoi ăi, unh hnam [ok Lã Văn Phóng, oei tơ\ th^ tra#n Chư Sê duh đei io\k yua xơđơ\ng đơ\ng rong xem ple\ng. Xơnăm 2016, [ok axong hloh 300 tr^u hlj vă man hnam rong xem ple\ng, hăm tơ\r ôp bơbu\ng, đei kơmăi pơre nơ\r krao, kơmăi pơm tơle\ch hơyuh tơno\ vă xem ple\ng păr truh oei. Đơ\ng ro\ng 6 xơnăm rong, dang ei, rim khei [ok Phóng đei yua hloh 100 tr^u hlj đơ\ng rong xem ple\ng: “Ăh inh 'nao jang năm truh Ayun Pa k^ pơkăp hăm Ko\ng ti rong xem ple\ng Khánh Hòa kơlih khei năr noh inh 'meh rong xem ple\ng. Găh inh jang hơlen mă blu\ng noh 120m2, hlôi đei 6 xơnăm, xơnăm âu ki duh đei yua đơ\ng 50 truh 60 k^. Ba adro# hiong jên axong mă blu\ng, đơ\ng ro\ng kơ noh xa yua đe\ch, minh khei noh đ^ 2-3 hre\ng hlj unh hơyuh păng đak. Tơdrong jang rong xem ple\ng adoi nhen jang tiu, ka phê đơ\ng ro\ng kơ 3 xơnăm noh đei yua”

Dang ei, lơ\m tơring kơ apu\ng Chư Sê hlôi đei je# 230 hnam rong xem ple\ng, đei yua pơhlom 50k^ tơpu xem kơtuăl minh khei. Hăm kơjă te\ch dang ei đơ\ng 20 truh 24 tr^u hlj minh k^, đei yua kơ rim unh hnam rong xem ple\ng noh đơ\ng 20 truh 70 tr^u hlj 1 khei, phơ pho\ đei yua truh kơ hre\ng tr^u hlj. {ok Nguyễn Văn Hợp, Kơdră Anih Choh jang xa păng Hơto\k tơring pơxe\l apu\ng Chư Sê ăn tơbăt: jang rong xem ple\ng mă blu\ng đei yua lơ păng xơđơ\ng ăn bơngai jang. Anih jang hlôi đei trong pơtho ăn rim unh hnam kon pơlei băt găh hla bar pơkăp khôi luơ\t, pơkăp găh tơring rong xem ple\ng vă vei rơgoh cham char, ưh đei lu\k lăk păng rơgoh tơmam drăm xa: “Găh tơdrong juăt noh anih jang duh pơtho ăn dôm unh hnam adrol hloh athei bơ\ hla bar tơre\k truh chih măt jang te\ch pơdro, chih măt anih jang đei tôm pơkăp xơđơ\ng rơgoh tơmam drăm pơm tơle\ch găh tơpu xem ple\ng 'lơ\ng hloh ăn bơngai yua. Găh đunh đai gô pơtho ăn rim unh hnam keh đang hla bar vă vang jang kiơ\ pơkăp OCOP kơ apu\ng, hơyak truh tơdrong pơjing hơnăn tơpu xem ple\ng kơ Chư Sê”

        'Nguaih kơ noh, vă vei lăng anih rong xem ple\ng, Anih Choh jang xa păng Hơto\k tơring pơxe\l apu\ng Chư Sê hlôi pơkăl tôm unh hnam athei chih măt hăm jơnu\m pơgơ\r tơring găh tơdrong chơng krao xem ple\ng duh nhen tơdrong chă ming man hnam rong. Atu\m hăm noh, pơkăl dôm anih jang athei hơlen hơnơ\ng tơdrong grăng hăm khul xem ple\ng, tơle\ch pruih pơgang brai pơnhu\l hnam rong, tơmam drăm jang, ako\m ^ch rơm re\k tro\ nhen pơkăp. 'Nguaih kơ noh, vă tang găn lu\k lăk đơ\ng kơmăi pơre nơ\r krao ako\m, anih jang kơpal pơkăl dôm anih rong athei pơm kiơ\ pơkăp ưh đei ble\ch deh nơ\r pơre đơ\ng kơmăi đơ\ng 6 jơ pơgê truh 9 jơ kơmăng păng ưh đei yua kơmăi pơre nơ\r krao xem đơ\ng 9 jơ kơmăng truh 6 jơ pơgê đơ\ng ro\ng. Anih Choh jang xa păng Hơto\k tơring pơxe\l jang atu\m hăm Anih Te\ch pơdro choh jang xa apu\ng păng Anih vei lăng kon pơlei dôm xăh, th^ tra#n atu\m hăm dôm anih juăt jang kơ apu\ng chă hơlen hơnơ\ng tơdrong pơm kiơ\ dôm tơchơ\t găh pơre nơ\r, cham char păng tang găn pơrang j^ đơ\ng dôm anih rong xem ple\ng.

        Ưh adro# tơ\ Chư Sê, tơ\ tơring Hle\ch Pơbăh dêh char Gia Lai duh hlôi pơjing tơring rong xem ple\ng hơto\k pran. Lơ\m noh, th^ xăh Ayun Pa hlôi đei kơ hre\ng anih rong xem ple\ng. Đei yua lơ găh mu\k drăm đơ\ng rong xem ple\ng hlôi “pơdriu” tơdrong hơpơi pơm pơdro\ng đơ\ng kon pơlei Ayun Pa.  Vă tơdrong jang rong xem ple\ng hơto\k tơ iung kơjăp tơguăt hăm vei lăng cham char, Anih vei lăng kon pơlei dêh char Gia Lai hlôi tơle\ch Tơchơ\t hơdăh: Lơ\m 5 xơnăm jo# đơ\ng xơnăm 2020, dôm anih rong xem ple\ng lơ\m tơring kơdra#m, th^ xăh, th^ tra#n, tơring kon pơlei athei pơdơh pơm jang dăh mă yuih truh tơring [lep hăm pơkăp.

Lan chih păng pơre nơ\r