VOV4.Bahnar - Tơ̆ hơ năp đei ƀôh krê hơ mơt đơ̆ng jĭ Covid 19, kơ sô̆ bơ ngai F0 tŏk hrĕnh lơ̆m tơ pôl, đơ̆ng ‘năr (1/3) đĭ đăng hŏk tro grŭp lăm 9 păng lăm 12 tơ̆ pơ lei tơm Buôn Ma Thuột, dêh char Dak Lak pơ dơh kơ năm hŏk tơ̆ hnam trưng păng hŏk trực tuyến hơ lơ̆k dơ̆ng. Dôm năr tơ jê̆ âu, kơ sô̆ bơ ngai jĭ Covid 19 lơ̆m pơ lei tơm Buôn Ma Thuột hơ nơ̆ng kơ tŏk, kơ sô̆ bơ ngai F0 hơ met tơ̆ hnam đei hloh 99% akŏp bơ ngai jĭ, Anih vei lăng găh pơ tho pơ hrăm pơ lei tơm hlôi jang tơ gŭm ăn Anih vei lăng kon pơ lei pơ lei tơm tơ plih trong hŏk kơ tă păng hŏk trực tuyến hăm đĭ đăng dôm jăl hŏk, jô̆ hloi hŏk tro grŭp lăm 9 păng 12 đơ̆ng ‘năr 1/3 ding truh đei roi tơ băt plơ̆ng.

Vă vei lăng đei yua tơ drong jĭ hơ buh păng vei sơ đơ̆ng ‘lơ̆ng pơ tho - hŏk, Anih vei lăng kon pơ lei pơ lei tơm Buôn Ma Thuột athei Anih vei lăng găh pơ tho pơ hrăm pơ lei tơm chih akŏm tơ roi tơ băt kơ sô̆ kang ƀô̆, thây kô pơ tho păng hŏk tro đei jĭ Covid 19 hơ drol kơ 5 jơ kơ sơ̆ rim năr. Hơ dai hăm pơ gơ̆r, jang hơ dai hăm rim anih jang ƀơm truh, jang tơ gŭm hơ met ming trong jang tang găn jĭ lơ̆m rim hnam trưng hŏk mă lăp hăm tơ drong ‘nao.

Thuem: Tơ blơ̆