VOV4.Bahnar - Adrol kơ lêh mât hŏk sơ năm hŏk ‘nao, Kơ dră tĕh đak Nguyễn Xuân Phúc hlôi gơih kơ thơ ăn anih pơ tho pơ hrăm. Lơ̆m jơ pơm lêh mât hŏk sơ năm hŏk ‘nao pơ gê hei ‘năr 5/9, kơ triu ‘nu hŏk tro lơ̆m tĕh đak đei mơ̆ng kơ thơ đơ̆ng Kơ dră tĕh đak gơih ăn anih pơ tho pơ hrăm. Dôm nơ̆r tơ tă, tơ ƀôh trong ăn anih pơ tho pơ hrăm lơ̆m sơ năm hŏk ‘nao đơ̆ng Kơ dră tĕh đak ‘nŏh jĭ jơ hngâm hưch hanh ăn kơ triu ‘nu hŏk tro adrin hŏk.

Adrol kơ ‘nŏh, Thủ tướng Phạm Minh Chính kŭm truh ngôi, pơ lung hŏk tro, thây kô tơ̆ 1,2 tơ ring. Tơ̆ dêh char Phú Thọ, Thủ tướng athei, sơ năm hŏk ‘nao ưh gơ̆h lê̆ hŏk tro ưh kơ măh hla ar hŏk, hơ tŏk tơ drong pơ tho jơ hngâm đon, tơ drong arih xa ăn đe ŏh. 

Thủ tướng năm ngôi tơ̆ hnam trưng jăl mônh thĭ trơ̆n Yên Lập, apŭng Yên Lập, dêh char Phú Thọ

Thủ tướng Phạm Minh Chính athei dôm hnam trưng hơ met pơ ‘lơ̆ng trong pơ tho pơ hrăm vă gơ̆h đei tơ drong lei lăi hơ dai păng pha ra băl hai, pơ tho ăn hŏk tro dôm kơ jă kăp gĭt đơ̆ng jŏh ayŏ kơ dŏ xoang ‘lơ̆ng hơ iă kơ hơ drĕch hơ drung. Hơ tŏk jơ hngâm, hơ kâu jăn păng jŏh ayŏ kơ dŏ xoang, dôm tơ drong jang tơ gŭm lơ̆m tơ pôl đơ̆ng hnam trưng. Ưh đei lê̆ hŏk tro mơ mat tat, hŏk tro bơ ngai kon kông ưh kơ đei năm hŏk. Atŭm hăm ‘nŏh, dôm tơ ring athei mong akŏm tôm hla ar hŏk ăn hŏk tro....

Dơ̆ng: Tơ blơ̆