VOV4.Bahnar - Hăm đĭ đăng bơ ngai tang măt drơ̆ng nơ̆r, Anih chĕp kơ̆l pơ gơ̆r Kuô̆k hô̆i drơ̆ng nơ̆r tơ lĕch tơ drong tơ chơ̆t găh thuê̆ vei lăng cham char hăm đak xăng, đak dâu, greh truh đĭ ‘năr 31/12/2022. Kiơ̆ kơ ‘nŏh, thuê̆ vei lăng cham char hăm đak xăng, đak dâu, grĕh đơ̆ng năr tơ drong Tơ chơ̆t đei yoa (‘năr 1/4/2022) truh đĭ ‘năr 31/12/2022, nhen thoi âu:

Đak Xăng: jur 2.000 hlak 1 kơ lich, đơ̆ng 4.000 hlak 1 kơ lich jur pă 2.000 hlak 1 kơ lich; đak dâu diesel, đak dâu mazut, greh: jur 1.000 hlak 1 kơ lich, đơ̆ng 2.000 hlak 1 kơ lich jur pă 1.000 hlak 1 kơ lich; Đak trôl: jur 700 hlak 1 kơ lich, đơ̆ng 1.000 hlak 1 kơ lich jur păng 300 hlak 1 kơ lich; Đak dâu gre păr: Oei vei kơ jăp nhen dang ei, ƀât oei pơm kiơ̆ tơ drong hơ găt tơ jur 1.500 hlak 1 kơ lich kiơ̆ Tơ drong tơ chơ̆t kơ sô̆ 13 sơ năm 2021 đơ̆ng Anih chĕp kơ̆l pơ gơ̆r Kuô̆k hô̆i.

Dơ̆ng: Tơ blơ̆