VOV4.Bahnar - Anih tơm vei lăng Kŏng an pơ gơ̆r hop akŏm trực tuyến lơ̆m teh đak tơ lĕch trong vă jang akŏm dăr hơ len, hơ lang lăng tơ drong sơ đơ̆ng găh tơ drong jang tang găn ŭnh sa, pĭt ŭnh sa păng dŏng sar bar, dŏng tơ gŭm. Kiơ̆ trong tơ lĕch jang đơ̆ng Anih tơm vei lăng Kŏng an, ‘măng iung jang dăr hơ len, hơ len lăng tơ drong sơ đơ̆ng găh tang găn ŭnh sa, pĭt ŭnh sa păng dŏng sar bar, dŏng tơ gŭm ‘măng âu pơ gơ̆r đơ̆ng ‘năr 15/10/2022 truh ‘năr 15/12/2022.

Anih tơm vei lăng Kŏng an gô akŏm hơ len lăng tơ drong jang tang găn ŭnh sa pĭt ŭnh sa

Kŏng an rim anih jang, tơ ring gô pơ gơ̆r hơ len lăng tơ drong sơ đơ̆ng găh tang găn ŭnh sa, pĭt ŭnh sa păng dŏng sar bar, dŏng tơ gŭm hăm đĭ đăng anih jang găh tơ drong vei lăng teh đak găh tang găn ŭnh sa pĭt ŭnh sa. Lơ̆m noh akŏm hơ len lăng hơ dăh dôm anih tĕch mơ dro đei tơ drong hiôk găh vei sơ đơ̆ng, anih pơm tih, akŏm lơ bơ ngai, đei krê hơ mơt kơ ŭnh sa, đôh lơ nhen hnam hô tel, hnam ăn đe thuê oei sa , hơ nih et sa, hơ nih hơ ri hơ soang, hnam oei hơ dai, hnam tơ̆ng kơ jung, hơ nih tĕch mơ dro tih, hơ nih mong răk tơ mam, hơ nih pơm tơ lĕch.

VOV/Thuem tơ blơ̆