VOV4.Bahnar - Hop akŏm Khul bơ ngai tĕch mơ dro oei mơ lôh kơ Việt Nam ‘măng mă 7, jăl jang 2022-2025 vă pơ gơ̆r lơ̆m 2 năr 30 păng 31/03 truh âu kơnh. ‘Nâu jĭ nơ̆r tơ roi lơ̆m Hop akŏm roi tơ băt yoa Khul bơ ngai tĕch mơ dro mơ lôh Việt Nam pơ gơ̆r pơ gê 23/3, tơ̆ Hà Nội.

Hop akŏm khul bơ ngai tĕch mơ dro oei mơ lôh Việt Nam ‘măng mă 7 vă hơ len năng tơ drong jang đơ̆ng dôm bơ ngai tĕch mơ dro oei mơ lôh lơ̆m tơ drong jang atŏk tơ iung mŭk drăm, bơ̆ jang lơ̆m tơ pôl păng bơ̆ jang lơ̆m Khul đơ̆ng sơ 2018-2021 păng trong jang, tơ drong vă jang lơ̆m jăl jang 2022-2025.

Vang hop akŏm đei 800 bơ ngai tĕch mơ dro oei mơ lôh rơ gei dơ̆ng tang ăn hlŏh 11 rơ bâu ‘nu bơ ngai tĕch mơ dro, bơ ngai jang lơ̆m khul. Lơ̆m hop akŏm, Khul bơ ngai tĕch mơ dro oei mơ lôh Việt Nam vă pơ gơ̆r lêh hơ păh tơ mam Sơ nglŏng măih groi tĕh Việt 2021 vă pôk pơ ư Top 10, Top 100 păng Top 200 – Hơ năn tơ mam tĕch mơ dro ‘lơ̆ng kơ Việt Nam.

Dơ̆ng: Tơ blơ̆