Thoi noh, đơ̆ng ‘năr 5/10 truh dang ei, khŭl linh kơpal hlôi tơchă, sir kôch akŏm đei 16 kơting linh lôch tang ăn teh đak tơ̆ tơring âu. Hơdrol ‘noh, ƀơ̆t kơplăh jang pơgar, kră pơlei Siu Bích, rơneh sơnăm 1952, oei tơ̆ plei Bi chă ƀôh lơ lŏk pơsat jâu ‘noh pơsat linh lôch tang ăn teh đak păng tơroi ăn anih jang kơpal.

Kiơ̆ đơ̆ng hơnen lăng dăh, Khŭl K52 pơgơ̆r tơchă đơ̆ng ‘năr 5/10. Truh dang ei, pơđĭ 16 kơ ting đei sir kôch akŏm tơ̆ tơring âu tă kơ tam mă băt đei hơnăn ngăl. Khŭl linh kơpal hlôi iŏk kơcheh kơting vă pơyua ăn hơlen lăng, hơdai hăm hơnơ̆ng să hơnih tơchă.