Việt Nam hlôi 2 'măng pơgơ̆r đei jơnei keh kong Sơnăm APEC lơ̆m dôm sơnăm 2006 păng 2017. Sơnăm APEC 2027 jĭ minh lơ̆m dôm tơdrong jang tơbôl kăp gĭt hloh kơ Việt Nam đơ̆ng dang ei truh sơnăm 2030, athei đei tơdrong hơmet tôm tong, drơ̆ng minh hăm tơdrong tơnăp hloh.

Truh dang ei, lơ sơnong jang hlôi keh đang nhen tơchơ̆t tơlĕch. Sơkơ̆t hơdah tơdrong pơgơ̆r đei jơnei keh kong Sơnăm APEC 2027, mă kăl noh Giĕng lêh kơpal, gô răk 'măn tơdrong 'lơ̆ng đơ̆ng Việt Nam lơ̆m APEC păng hăm bôl buăl apŭng plenh teh, atŭm hăm noh jing trong hiôk vă pơtoi tơdrong tơgŭm đơ̆ng apŭng plenh teh ăn tơdrong jang hơtŏk mŭk drăm – tơpôl kơ teh đak, tơring păng hơnih jang mŭk drăm, Thủ tướng Lê Minh Hưng akhan tơdrong hơmet athei đei pơkăp hơdah. Tơrĕk truh tơdrong jang tơroi tơbăt, joh ayŏ oei xa ăn sơnăm 2027, Thủ tướng teh đak bơ̆n pơgơ̆r hăm jơnŭm jang tơroi tơbăt, joh ayŏ akŏm keh đang tôm tơdrong jang, mă kăl noh dôm tơdrong jang pơvih pơvăn ăn tơdrong vih vơ̆t kơ khul kơpal tang măt Việt Nam năm hop akŏm Giĕng lêh Kơpal APEC 2026 tơ̆ Trung Quốc păng tơdrong pơjao sơnong pơm kơdră ăn sơnăm Kơdră APEC 2027.