Kiơ̆ trong mă pơlei tơm tơlĕch ăn, jăl IV kăl tŏk hloh 13% vă jang kiơ̆ trong tơlĕch jang tŏk mŭk drăm sơnăm 2026. Tổng Bí thư, Kơdră chĕp pơgơ̆r Teh đak akhan ‘nou jĭ nơ̆r pơkoel tôch kơtang, pơkoel sơkơ̆t mă hơdăh găh tơdrong kĕ tơgop đơ̆ng rim hơnih jang, tơdrong vă jang păng rim hơnih mơdro sa. Lơ̆m khei năr apŭng plĕnh teh tơplih kơtang, pơlei tơm kăl pơm hơtŏk kĕ tơdra hơdrol, iung jang pơjing trong tang găn hơlou, atŭm hăm tơlĕch kơtang rim trong tơlĕch ạng đunh đai găh pơm tơlĕch đei, kmăi kmŏk, khul jang păng cham char hơrih. Ƀok athei Khul kơdră chĕp pơgơ̆r Đảng pơlei tơm hơnơ̆ng tơplih ‘nao trong bơ̆ jang, atŏk kơtang jang kiơ̆, xek tơlang dôm tơdrong keh đang. Iung jang kiơ̆ jơnei tơdrong pơjao jang đơ̆ng Khôi luơ̆t Atŏk tơ iung hơnih kơdrơ̆m vă pơm tơjur pơm hla bơar, pơm dă ƀiơ̆ tơhoach kon jên ăn kon pơlei păng hơnih mơdro sa. Dăr lăng đĭ đăng tơdrong jang tơlĕch jang hiơ hiơ̆, sơkơ̆t hơdăh jơ ‘năr xek tơlang, hơnih tơhlăk tơhlĭn kơ rim hô sơ. Hơmet pơ ‘lơ̆ng khul kơdră chĕp pơgơ̆r ƀar kâp, akŏm tơlĕch ăn tơring, phương; iung jang kiơ̆ kơjăp yưh liu kơsô̆ vă pơm dă ƀiơ̆ tơdrong ưh kơ lăp đon ăn kon pơlei, hơnih mơdro sa. Hơlen tơdrong jang ‘lơ̆ng kơ bơngai kang ƀô̆ kiơ̆ bơ̆ jang keh đang lơ liơ păng tơdrong lăp đon kơ tơpôl, tơplih hloi kang ƀô̆ bơ̆ jang ưh kơ ‘lơ̆ng.