Tơdrong pơjing Tơdrong tơchơ̆t vă pơm pơkeh tôm tong, tơtom rim trong tơlĕch bơ̆ jang đơ̆ng Đảng găh jang kiơ̆ ‘lơ̆ng hơtŏ hơnơ̆ng, sơđơ̆ng mơ̆ng kơdih lui khop kơ rim bơngai, trŏ lăp hăm dôm tơdrong jang mŭk drăm-tơpôl kơ Việt Nam. Mĭnh lơ̆m dôm tơdrong tơm kơ tơdrong vă pơjing Tơdrong tơchơ̆t ‘noh hơnơ̆ng pơm ‘lơ̆ng tơdrong jang pơm hla bơar, bơ̆ jang tơpăt ‘lơ̆ng, hơdăh, atŏk kơtang iŏk yoa kmăi kmŏk kơtơ̆ng ang păng tơplih kơsô̆ lơ̆m tơdrong lui khop, đơ̆ng noh sơđơ̆ng roi năr roi ‘lơ̆ng hơ iă hloh dơ̆ng tơdrong mơ̆ng kơdih lui khop hiôk hian. Lơ̆m jơ ‘năr pơjing, rim tơdrong pơkăp đei hơlen mă hơdăh vă sơđơ̆ng trŏ lăp hăm rim tơdrong pơkăp găh pơm tơm kơdih kon bơngai đei chih tơmơ̆t Nơ̆r tơchơ̆t apŭng plĕnh teh găh tơdrong pơm tơm kơdih kon bơngai sơnăm 1948 păng Tơdrong Pơkăp apŭng plĕnh teh găh rim tơdrong oei sa păng chinh trĭ sơnăm 1966 mă Việt Nam jĭ teh đak vang jang kiơ̆; adoi vei lăng sơđơ̆ng pơm tơm kơdih kon bơngai, pơm tơm kơdih kon pơlei păng pơm hơtŏk jang kiơ̆ jơnei, vei lăng jơnei.