VOV4.Bahnar - Pơgê năr 12/1, tơ̆ Hơnĭh bơ̆ jang Kơdră chĕp pơgơ̆r Tĕh đak, Dơnŏ anĭh bơ̆ jang Kơdră chĕp pơgơ̆r Tĕh đak pơgơ̆r Hop akŏm pơtôch bơ̆ jang sơnăm 2021 păng tơlĕch tơdrong jang sơnăm 2022.

Iung pơma tơ̆ hop akŏm, Kơdră chĕp pơgơ̆r Tĕh đak Nguyễn Xuân Phúc hôn bơnê kơtang Dơnŏ anĭh bơ̆ jang Kơdră chĕp pơgơ̆r Tĕh đak sơnăm 2021 hlôi đei trong jang ‘nao, hơdrin hle lơ̆m bơ̆ jang tơgŭm pơchŏh trong, bơ̆ jang tơgŭm ăn. Jang kiơ̆ tơdrong jang ‘lơ̆ng hơ iă ‘nŏh, sơnăm 2022, Dơnŏ anĭh bơ̆ jang Kơdră chĕp pơgơ̆r Tĕh đak kăl iung jang kơtang hlŏh dơ̆ng đei ƀô̆h hơdăh tơdrong, jang kiơ̆ kơ jăp dôm tơdrong lơ̆m tĕh đak vă jang ‘lơ̆ng hlŏh dơ̆ng bơ̆ jang pơchŏh trong ăn Kơdră chĕp pơgơ̆r Tĕh đak păng Kơ iĕng Kơdră chĕp pơgơ̆r Tĕh đak; jang kiơ̆ tơdrong joăt joe tơgoăt mĭnh ƀơ̆r đon, jang kiơ̆ jơnei hlŏh dơ̆ng lơ̆m bơ̆ jang pơchŏh trong, akŏm, tơgop nơ̆r ăn tơdrong jơnei kơ tĕh đak. Kơdră chĕp pơgơ̆r Tĕh đak jei pơma hơdăh, kang ƀô̆ Dơnŏ anĭh bơ̆ jang ăn Kơdră chĕp pơgơ̆r Tĕh đak kăl atŏk kơtang jơhngơ̆m đon pơm jŭk yŭk trong hơlau, kơdĭh pơhrăm, iung jang chă tơchĕng, atŏk jơhngơ̆m đon hlô̆h vao, jang kiơ̆ jơhngơ̆m đon gơ̆h hơgei vă jang keh đang tơdrong jang pơchŏh trong bơ̆ jang mă Đảng, Tĕh đak pơjao ăn.

Tơblơ̆ nơ̆r: Amazưt