VOV4.Bahnar - Hơnơ̆ng pơgơ̆r hop akŏm mă 8, lơ̆m ‘măng bơ̆ jang pơgê năr 16/2, Dơnŏ anĭh bơ̆ jang Kuô̆k hô̆i drơ̆ng nơ̆r tơdrong pơjing Tơdrong tơchơ̆t găh tơdrong jang, tơdrong gơ̆h jang păng trong bơ̆ jang kơ Dơnŏ anĭh bơ̆ jang kơdră tang măt vă lăp hăm tơdrong tơplĭh ‘nao khŭl jang, tơdrong jang jơnei kơ Kuô̆k hô̆i, rim hơnĭh bơ̆ jang kơ Kuô̆k hô̆i.

Rup hop akŏm

Dơnŏ anĭh chĕp pơgơ̆r Kuô̆k hô̆i akhan, tơdrong tơmơ̆t dơ̆ng tơdrong jang, gơ̆h jang kơpal lơ̆m Tơdrong Tơchơ̆t ‘nŏh lăp hăm yan au păng tơdrong ‘mĕh vă hăm bơ̆ jang kang ƀô̆. Adoi drơ̆ng mĭnh nơ̆r athei Dơnŏ anĭh Bơ̆ jang kơdră tang măt pơm tơm lơ̆m tơdrong jang au vă lăp hăm tơdrong ‘mĕh vă găh bơ̆ jang kang ƀô̆ păng trong iung jang kơtang kơ tơdrong jang au kiơ̆ tơdrong tơchơ̆t kơ khôi luơ̆t găh xek tơlang. Rim kơdră jang lơ̆m Dơnŏ anih bơ̆ jang Kuô̆k hô̆i jei athei, tơmơ̆t dơ̆ng mĭnh ƀar trong jang tơgŭm ăn, pơgơ̆r jang kiơ̆ đei ƀơm trŭh bơ̆ jang vei lăng kang ƀô̆ hăm kơdră tang măt Kuô̆k hô̆i.

Tơblơ̆ nơ̆r: Amazưt