VOV4. Bahnar - Hơnơ̆ng pơgơ̆r hop akŏm ‘măng mă 10, năr au, Dơnŏ anĭh chĕp pơgơ̆r Kuô̆k hô̆i ăn tơgop nơ̆r găh tơdrong vă pơjing Khôi luơ̆t tang găn hil hơrĕh tĕh dong lơ̆m ŭnh hnam (hơmet ming).Tơdrong vă pơjing Khôi luơ̆t Tang găn hil hơrĕh tĕh dong lơ̆m ŭnh hnam (hơmet ming) tơchơ̆t hơdăh trong jang tang găn hil hơrĕh tĕh dong lơ̆m ŭnh hnam; rim trong jang tang găn hơlau, vei lăng, tơgŭm djru păng xek tơlang pơm glăi khôi luơ̆t găh tang găn hil hơrĕh tĕh dong lơ̆m ŭnh hnam; hơnăp jang kơ hơnĭh bơ̆ jang, khŭl jang, ŭnh hnam, rim bơngai lơ̆m jang kiơ̆ khôi luơ̆t tang găn hil hơrĕh tĕh dong lơ̆m ŭnh hnam. Khôi luơ̆t hơmet ming ‘măng mă au jang kiơ̆ pơ đĭ dôm tơdrong klo, akăn hlôi đĭ hơlăh dăh mă erĭh sa hơdoi nhen lĕ ŭnh om mă lei ư̆h kơ đei pơm hla bơar apĭnh iŏk ŭnh om. Khôi luơ̆t jei tơchơ̆t hơdăh dôm tơdrong ư̆h kơ gơ̆h pơm nhen: pơgŏ, pơchôih, pơtrŭt, vang dŏng pơm tơdrong hil hơrĕh tĕh dong lơ̆m ŭnh hnam. Chă ôn, pơm tơbăt, chĭh tơlĕch kơtơ̆ng ang glăi găh tơdrong hil hơrĕh tĕh dong lơ̆m ŭnh hnam.

Tơblơ̆ nơ̆r: Amazưt