VOV4.Bahnar - Hơnơ̆ng pơgơ̆r hop akŏm mă 10 kơsơ̆ năr 18/4, ăn tơgop nơ̆r găh tơdrong vă pơjing Khôi luơ̆t jang Dăr lăng, Dơnŏ anĭh bơ̆ jang Kuô̆k hô̆i athei, hơnơ̆ng vei kơ jăp păng atŏk kơtang ăn tơdrong jang dăr lăng apŭng vă tang găn sa pơgơ̆m pơjĭp, tơdrong pơm glăi, sơng pơma dơnŭh hăm kon pơlei păng xek tơlang rim tơdrong tơkêng. Lơ nơ̆r tơgop athei kăl chă tơchĕng mă hơlen, đei trong jang tơplĭh ‘nao bơ̆ jang kơ tơdrong jang dăr lăng bơ̆ jang tơ̆ apŭng trŏ ƀlep hăm tơdrong ‘mĕh vă kơ toei khŭl jang, atŏk bơ̆ jang gơ̆h hơgei, iŏk đei jơnei ‘lơ̆ng. Khŭl jang dăr lăng bơ̆ jang trŭh dang ei trŏ ƀlep, tơgŭm ăn Dơnŏ anĭh vei lăng kon pơlei apŭng găh bơ̆ jang năm dăr lăng, tang găn sa pơgơ̆m pơjĭp, tơdrong pơm glăi, sơng pơma dơnŭh hăm kon pơlei păng xek tơlang tơkêng. Kiơ̆ trong bơ̆ jang, pơgê au, năr 19/4, Dơnŏ anĭh chĕp pơgơ̆r Kuôk hô̆i ăn tơgop nơ̆r găh Tơdrong jang lăng hơlen kơ Kuô̆k hô̆i; Tơdrong hơmet ăn ‘măng hop akŏm mă 3 kơ Kuô̆k hô̆i păng lăng hơlen, tơchơ̆t măt bơngai bơ̆ jang kơ Dơnŏ anĭh bơ̆ jang Kiểm sát Viện kiểm sát nhân dân tối cao.

Tơblơ̆ nơ̆r: Amazưt