VOV4.Bahnar - ‘Măng hop akŏm mă 11 kơ Dơnŏ anĭh chĕp pơgơ̆r Kuô̆k hô̆i gô pơgơ̆r đơ̆ng năr dơning, năr 11 trŭh năr 20/5 gô ăn tơgop nơ̆r găh lơ tơdrong gĭt kăl. ‘Nŏh lăng hơlen, tơchơ̆t tơdrong pơjing ƀar thĭ trân Phương Sơn găh apŭng Lục Nam păng pơjing thĭ trân Bắc Lý găh apŭng Hiệp Hòa, dêh char Bắc Giang; trong jang tơplĭh iŏk yua bri, tĕh bri păng tĕh jang ba đơ̆ng 2 pơyan năm tơ̆ lơ kơ Tơdrong vă jang Tơ iung pơjing ming man trong gre rĕnh Tu-Pơbăh găh Hơlĕch jăl jang 2021-2025 (tơdăh đei tôm rơvơn).

Dơnŏ anĭh chĕp pơgơ̆r Kuô̆k hô̆i ăn tơgop nơ̆r hla bơar chĭh tơbăt lăng hơlen tơmơ̆t dơ̆ng pơtôch jang kiơ̆ tơdrong jang atŏk tơ iung mŭk drăm-tơpôl păng kon jên jang tĕh đak sơnăm 2021; tơdrong jang kiơ̆ trong prơ prŏ atŏk tơ iung mŭk drăm-tơpôl păng kon jên jang tĕh đak dôm khei blŭng sơnăm 2022;  Lăng hơlen tơdrong vă jang tơmơt dơ̆ng kon jên jang Trung ương jăl jang 2021 - 2025 păng sơnăm 2022 ăn rim hơnĭh tơm, hơnih bơ̆ jang Trung ương păng tơring tơlĕch jang 3 tơdrong jang tĕh đak; tơmơ̆t dơ̆ng kon jên jang Trung ương sơnăm 2022 lơm tĕh đak klăh asong ăn rim hơnĭh tơm, hơnĭh bơ̆ jang, tơring.

Tơblơ̆ nơ̆r: Amazưt