VOV4.Bahnar - Pơgê năr 15/8, tơ̆ Hnam Kuô̆k hô̆i, Pơgơ̆r blŭng a ‘Măng hop akŏm găh Khôi luơ̆t khei 8 kơ Dơnŏ anĭh chĕp pơgơ̆r Kuô̆k hô̆i. Iung pơma tơ̆ jơ pơgơ̆r blŭng hop akŏm, Kơdră chĕp pơgơ̆r Kuô̆k hô̆i Vương Đình Huệ tơbăt: Lơ̆m 4 năr bơ̆ jang, Dơnŏ anĭh chĕp pơgơ̆r Kuô̆k hô̆i ăn tơgop nơ̆r lơ̆m 11 tơdrong vă jang khôi luơ̆t, Khôi luơ̆t tơm păng Tơdrong tơchơ̆t.

Rup hop akŏm

Lăp đơ̆ng rŏng pơm lêh pơgơ̆r, Dơnŏ anĭh chĕp pơgơ̆r Kuô̆k hô̆i pơma dơnŭh găh tơdrong kăl hlŏh kơ Tơdrong tơchơt găh Xek phak pơm glăi hăm pơm găn ga mtơdrong xek tơlang. Kơdră chĕp pơgơ̆r Kuô̆k hô̆i athei Dơnŏ anĭh chĕp pơgơ̆r Kuô̆k hô̆i athei dơnŏh anĭh pơm tơlĕch kăl pơm hơdăh hlŏh dơ̆ng găh tơdrong au. ‘Ngoăih kơ ‘nŏh, pơm hơdăh tơdrong phak kăp kơtang hloh dơ̆ng hăm minh ƀar tơdrong pơm glăi lơ̆m yoch kơtang.

Tơblơ̆ nơ̆r: Amazưt