VOV4.Bahnar - Hơnơ̆ng pơgơ̆r hop akŏm ‘măng mă 14 kơ Dơnŏ anĭh chĕp pơgơ̆r Kuô̆k hô̆i, năr au, năr 11/8 Dơnŏ anĭh chĕp pơgơ̆r Kuô̆k hô̆i ăn tơgop nơ̆r ‘măng mă blŭng vă trong pơjing tơbăt pơtôch bơ̆ jang dăr lăng “Tơdrong jang kiơ̆ trong bơ̆ jang, khôi luơ̆t găh jang kiơ̆ pơkom, tang găn brăh brư jăl jang 2016-2021”. Kơ iĕng Kơdră chĕp pơgơ̆r Kuô̆k hôi Trần Quang Phương tơbăt, ‘nau jing tơdrong bơ̆ jang dăr lăng tôch tơnap tao, lơ tơdrong, đei ƀơm trŭh lơ tơdrong jang tơm, kăl hlŏh kơ tơdrong jang mŭk drăm, trŭh rim tơdrong kơ erĭh sa tơpôl ... Kơ yuơ lơ lŏh, tơdrong sơkơ̆t hơdăh tơdrong tơm pơm ăn, tơƀô̆h hơdăh hơnăp jang kơ rim hơnĭh bơ̆ jang, khŭl jang, bơngai jang lơ̆m tơdrong pơjing păng jang kiơ̆ trong bơ̆ jang, khôi luơ̆t găh jang kiơ̆ pơkom, tang găn brăh brư jĭ tôch gĭt kăl. Đơ̆ng nŏh, tơlĕch trong jang atŏk bơ̆ jang ‘lơ̆ng hlŏh dơ̆ng jang kiơ̆ pơkom, tang găn brăh brư păng pơm pơ keh trong bơ̆ jang, khôi luơ̆t đei ƀơm trŭh.

Tơblơ̆ nơ̆r: Amazưt