VOV4.Bahnar - Hơnơ̆ng pơgơ̆r hop akŏm mă 9, pơgê năr 23/3, tơ̆ Hnam Kuô̆k hô̆i, Dơnŏ anĭh chĕp pơgơ̆r Kuô̆k hô̆i ăn tơgop nơ̆r găh tơdrong vă pơjing Khôi luơ̆t jang kiơ̆ hơtŏ hơnơ̆ng tơ̆ tơring, phương, thĭ trân. Mă kăl, tơdrong vă pơjing khôi luơ̆t au hlôi pơ̆ih să jang kiơ̆ hơtŏ hơnơ̆ng lơ̆m rim hơnĭh bơ̆ jang; adoi tơmơ̆t dơ̆ng trong gơ̆h jang kơ Dơnŏ anĭh jang dăr lăng kon pơlei jing tơchơ̆t tơ̆ tơdrong vă pơjing Khôi luơ̆t jang kiơ̆ hơtŏ hơnơ̆ng tơ̆ tơring. Tơdrong vă jang khôi luơ̆t vă pơm pơkeh khôi luơ̆t găh jang kiơ̆ hơtŏ hơnơ̆ng tơ̆ tơring, sơđơ̆ng trong chĕp pơgơ̆r tĕh đak găh Kon pơlei, sơkơ̆t hơdăh trong jang Tĕh đak kơ kon pơlei, yuơ kon pơlei, kơ yuơ kon pơlei. Trong ‘nao kơ Tơdrong vă pơjing Khôi luơ̆t ‘nŏh tơmơ̆t dơ̆ng tơchơ̆t rim răih kon pơlei jei hơtŏ dĭh băl, ư̆h kơ hơtŏ hơnơ̆ng lơm pơm kiơ̆ hơtŏ hơnơ̆ng tơ̆ tơring, sơkơ̆t hơdăh sơnong păng hơnăp jang kơ kon pơlei, kang ƀô̆, bơngai jang lơ̆m jang kiơ̆ hơtŏ hơnơ̆ng tơ̆ tơring, lơ̆m au tơmơ̆t dơ̆ng tơchơ̆t găh pơjao jang kiơ̆ hơtŏ hơnơ̆ng tơ̆ tơring; gơh tơkêng dôm tơdrong pơm glăi khôi luơ̆t găh jang kiơ̆ hơtŏ hơnơ̆ng tơ̆ tơring.

Tơblơ̆ nơ̆r: Amazưt