VOV4.Bahnar - Hơnơ̆ng bơ̆ jang hop akŏm găh khôi luơ̆t khei 8, pơgê au, năr 22/9, Dơnŏ anĭh chĕp pơgơ̆r Kuô̆k hô̆i tơgop nơ̆r lơ̆m Tơdrong vă pơjing Khôi luơ̆t Groi tĕh (Hơmet ming). ‘Nau mĭnh tơdrong vă pơjing Khôi luơ̆t gĭt kăl lơ̆m tơdrong erĭh sa Mŭk drăm-tơpôl kơ tĕh đak.

Kiơ̆ tơdra hơdrol, tơdrong vă pơjing Khôi luơ̆t au gô đei Kuô̆k hô̆i pơma dơnŭh, ăn tơgop nơ̆r mă blŭng tơ̆ Hop akŏm mă 4, Kuô̆k hô̆i jăl XV. Jĭ dơnŏ anĭh bơ̆ jang vei lăng tĕh đak găh tơdrong jang groi tĕh, Kơdră chĕp pơgơ̆r Dơnŏ anĭh tơm vei lăng Mŭk drăm Bri brăh păng Cham char Trần Hồng Hà tơbăt: Tơdrong vă pơjing Khôi luơ̆t Groi tĕh (hơmet ming) lăng trŭh tơchơ̆t sơđơ̆ng sơkơ̆t hơdăh kơ jă tĕh păng trŏ lăp hăm tơdrong tĕch mơdro vă kon pơlei păng hơnĭh mơdro sa jei đei iŏk yua sa hơpăh. Ƀok Trần Hồng Hà jei pơma hơdăh, tơdrong sut hŭt trong pơkăp kơ jă tĕh ‘nŏh kăl hlŏh păng iŏk yua trong pơkăp kơjă tĕh trŏ lăp hăm tĕch mơdro yan au.

Tơblơ̆ nơ̆r: Amazưt