VOV4. Bahnar - Kơsơ̆ brei, năr 25/5, tơ̆ Hà Nội, Khul bơ̆ jang kơsô̆ 5 kơ Dơnŏ anĭh chĕp pơgơ̆r Trung ương găh tang găn sa pơgơ̆m pơjĭp, pơm yoch au to kơ yuơ ƀok Nguyễn Hòa Bình, Kơdră jang lơ̆m Dơnŏ anĭh tơm Chĭnh trĭ, Bí thư Trung ương Đảng, Kơdră Dơnŏ anĭh tơm xek tơlang, Kơdră jang lơ̆m Dơnŏ anĭh chep pơgơ̆r pơm Kơdră khŭl hlôi bơ̆ jang hăm khŭl kơdră Đảng Dơnŏ anĭh tơm vei lăng Choh jang sa păng Atŏk tơ iung tơring tơrang kiơ̆ trong Pơ prŏ jang kơsô̆ 18 kơ Dơno anĭh chĕp pơgơ̆r.

Iung pơma tơ̆ jơ bơ̆ jang, ƀok Nguyễn Hòa Bình athei Khŭl kơdră chĕp pơgơ̆r Đảng Dơnŏ anĭh tơm vei lăng Chŏh jang sa păng Atŏk tơ iung tơring tơrang hơmet ăn tôm hla bơar chĭh tơbăt hơdăh tơdrong bơ̆ jang, tơl hơdăh dôm nơ̆r apĭnh jet đơ̆ng Khŭl bơ̆ jang chă apĭnh. Hlŏh đơ̆ng ‘măng dăr lăng hơlen gô vă hơlen hơdăh dôm tơdrong jang kiơ hlôi jang keh đang, tim mă đang vă xek tơlang dôm nơ̆r tơbăt, tơdrong tơkêng pơm glăi găh hơnăp jang kơ Dơnŏ anĭh tơm vei lăng Chŏh jang sa păng Atŏk tơ iung tơring tơrang đơ̆ng nŏh tơlĕch nơ̆r apinh jet Dơnŏ anĭh tơm Chĭnh trĭ, Dơnŏ anĭh chĕp pơgơ̆r rim trong jang vă xek tơlang atŭm lơ̆m teh đak khei năr au kơnh.

Tơblơ̆ nơ̆r: Amazưt