Đơ̆ng rŏng mĭnh sơnăm tơlĕch, Hơnĭh bơ̆ jang chĕp pơgơ̆r Pôk hơpăh Tơmam hơpăh chĭh kơtơ̆ng ang găh tơ iung pơjing Đảng dêh char Kon Tum ‘măng mă II sơnăm 2022 sơng iŏk đei 160 ƀai chĭh đơ̆ng vă jê̆ 130 ‘nu bơngai, khŭl bơngai chĭh vang pơlong.

Rim ƀai chĭh đei chĭh tơbăt kiơ̆ ƀlep lơ̆m bơ̆ jang tơ iung pơjing Đảng. Tơ̆ Pơm lêh pơtôch pơlong, Khŭl chĕp pơgơ̆r hlôi pôk ăn 1 Tơmam hơpăh A, 8 tơmam hơpăh B, 12 tơmam hơpăh C ăn rim hơnĭh chĭh kơtơ̆ng ang găh hla bơar kơtơ̆ng ang, kơtơ̆ng ang điên tư, tivi păng rapor. Tơ̆ pơm lêh pơtôch păng pôk ăn tơmam hơpăh Chĭh kơtơ̆ng ang găh Tơ iung pơjing Đảng dêh char Kon Tum ‘măng mă II sơnăm 2022, Dơnŏ anĭh Đảng dêh char Kon Tum jei hlôi tơlĕch ‘măng pơlong Chĭh kơtơ̆ng ang găh tơ iung pơjing Đảng dêh char Kon Tum ‘măng mă III sơnăm 2023. Kiơ̆ kơ ‘nŏh, kon pơlei Việt Nam lơ̆m dêh char păng dêh char anai đei ƀai chĭh găh bơ̆ jang tơ iung pơjing Đảng kơ dêh char Kon Tum hlôi đei in tơlĕch, pơre nơ̆r lơ̆m tivi, radiô kơtơ̆ng ang gơ̆h pơtrŭh ƀai au vang pơlong.