VOV4.Bahnar - Pơgê năr 2/3, tơ̆ tơring sơlam tĕh đak Krông Na, apŭng Buôn Đôn, Dơnŏ anĭh Đoàn dêh char Dak Lăk hăm Lâm Đồng jang hơdoi pơgơ̆r tơdrong jang Khei pêng tơring sơlam tĕh đak sơnăm 2022 hăm hơnăn “Tơring sơlam tĕh đak ĭnh”. Kơ yuơ đei ƀơm kơnê̆ đơ̆ng jĭ hơbŭh, tơdrong pơgơ̆r au đei pơgơ̆r ư̆h kơ đunh jơ ‘năr mă lei tôch ‘lơ̆ng hơ iă.

Tơdrong jang Khei pêng tơring sơlam tĕh đak kơ hơdrŭh tơdăm 2 dêh char Dak Lăk păng Lâm Đồng đei pơgơ̆r lơ tơdrong hơ iă, gĭt kăl nhen: tơ iung pơjing trong jang pơm hơdăh ƀrach trong tơring sơlam tĕh đak tơ̆ Hơnĭh gru gra gĭt kăl dăr sơlam tĕh đak gĭt kăl Tơnŏk găn đak krông Sêrêpôk. Pôk tơmam drăm ăn ƀô̆ đô̆i vei lăng sơlam tĕh đak tŏk bŏk bơ̆ jang tơ̆ tơring sơlam tĕh đak. Pôk ăn 20 tơnô̆ jên hŏk pơhrăm trong jang Ba ŏh năm tơ̆ hnam trương ăn hok tro tơring Krông Na păng pôk ăn 150 hla kơ Tĕh đak ăn kon pơlei buôn Drang Phôk, tơring Krông Na, apŭng Buôn Đôn. Akŏp kon jên jang hlŏh 100 trĭu hlak jên.

Tơblơ̆ nơ̆r: Amazưt