Dơnŏ anĭh tơm jang Tơbôl tơbăt hơdăh Tơdrong tơchơ̆t đơ̆ng Kơdră chĕp pơgơ̆r Dơnŏ anĭh jang Tơbôl găh pơjing Dơnŏ anih chĕp pơgơ̆r găh bơ̆ jang Tơgŭm dŏng kon pơlei Việt Nam oei tơ̆ tĕh đak đe.

Kơ iĕng Kơdră jang tơbôl Phạm Quang Hiệu iung pơma tơ̆ jơ tơbăt hơdăh

Năr brei, năr 28/10, Dơnŏ anĭh tơm jang Tơbôl pơgơ̆rtơbăt hơdăh Tơdrong tơchơ̆t đơ̆ng Kơdră chĕp pơgơ̆r Dơnŏ anĭh jang Tơbôl găh pơjing Dơnŏ anih chĕp pơgơ̆r găh bơ̆ jang Tơgŭm dŏng kon pơlei Việt Nam oei tơ̆ tĕh đak đe, adoi pơgơ̆r ‘măng hop akŏm Dơnŏ anĭh chĕp pơgơ̆r ‘măng mă blŭng. Kơ iĕng Kơdră jang tơbôl Phạm Quang Hiệu, Kơdră Dơnŏ anĭh chĕp pơgơ̆r pơm tơm hop akom. Iung pơma tơ̆ hop akŏm, ƀok Phạm Quang Hiệu sơkơ̆t hơdăh Khŭl kơdră chĕp pơgơ̆r đảng, Kơdră chĕp pơgơ̆r Dơnŏ anĭh tơm jang tơbôl sơkơ̆t hơdăh bơ̆ jang tơgŭm dŏng kon pơlei ‘nŏh mĭnh tơdrong jang chĭnh trĭ kơ Dơnŏ anĭh tơm jang tơbôl, đei iung jang hơnơ̆ng păng ‘mĕh vă bơ̆ jang au roi năr roi tơtom, sơđơ̆ng tơdrong chĕp pơgơ̆r kơ jăp păng iung jang ‘lơ̆ng ƀar păh lơ̆m tĕh đak păng tĕh đak đe. Tơdrong pơjing păng bơ̆ jang kơ Dơnŏ anih chĕp pơgơ̆r gô atok ‘lơ̆ng, tơnăp kơ tơdrong jang tơgŭm dŏng kon pơlei lơ̆m khei năr kơnh.