Đơ̆ng rŏng hlŏh 2 giĕng tơlĕch lơ̆m ứng dụng trư̆k tuyê̆n tơ̆ internet (Web App) yoa Anih pơgơ̆r chih pơjing, tơdrong thi sơng đei lơ kăn ƀô̆, đe mŏ oh drŏ kăn păng kon pơlei tơ̆ dêh char Đắk Lắk vang akŏm, hăm hlŏh 52.000 ƀai thi trŏ luơ̆t. Dôm ƀai thi đei chih tôch ‘lơ̆ng hơiă, lơ bơngai iŏk đei điêm tôch ai 200 điêm hăm jơ pơm ƀai lăp tŏ sĕt đĕch.

Yă Nguyễn Thị Hồng Thái, Kơdră vei lăng Khul drŏ kăn dêh char Đắk Lắk, Kơdră Anih pơgơ̆r tơdrong thi ăn tơbăt, tơdrong thi đei năng jĭ 1 tơdrong jang chinh trĭ tôch hơiă tơ̆ jơ̆p tơring, vang tơgop hơnhăk dôm tơdrong tơm đơ̆ng Tơdrong tơchơ̆t lơ̆m jăl jang 2025 - 2030 truh jê̆ ƀiơ̆ hăm kăn ƀô̆, bơngai jang păng kon pơlei. Tơ̆ hop akŏm, Khul drŏ kăn dêh char Đắk Lắk hơpăh 9 yaih ăn khul grŭp păng 24 yaih ăn dôm ƀai chih hơiă.