VOV4.Bahnar - Drơ̆m kơ sơ̆ ‘năr 24/5, tơ̆ Hnam Kuôk hô̆i hlôi pơ gơ̆r ‘măng tơ ƀơ̆p muh măt păng tơ lĕch jang tơ drong jang đơ̆ng Grŭp drŏ kăn tang măt Kuôk hô̆i jăl jang Kuôk hô̆i jăl XV. Pơ ma tơ̆ jơ tơ ƀơ̆p muh măt, Kơ dră Kuôk hô̆i Vương Đình Huệ akhan, Kuôk hô̆i jăl XV, hăm 151 ‘nu drŏ kăn tang măt, tŏk bŏk dơ̆ng tơ̆ hơ năp dôm tơ drong athei tơ plih ‘nao ‘lơ̆ng hloh vă tơ găl hăm anih dơ̆ng ‘noh jĭ anih jang tang măt tih hloh kơ bơ ngai tăh hla, anih jang chĕp kơ̆l teh đak tih hloh kơ teh đak Cộng hòa xã hội chủ nghĩa Việt Nam.

Kơ dră Kuôk hô̆i Vương Đình Huệ phĭn rup tơ băt hăm Grŭp drŏ kăn tang măt Kuôk hô̆i

Vă Grŭp drŏ kăn tang măt Kuôk hô̆i Việt Nam jăl 15 jang đang ‘lơ̆ng tơ drong hơ găt hlôi tơ lĕch ăn tơ̆ hơ năp kơnh, Kơ dră Kuôk hô̆i Vương Đình Huệ athei: Grŭp kăl kơ đei trong vă jang atŭm pơ đĭ jăl jang, rim sơ năm kăl athei mă hơ dăh, tơ klep ‘lơ̆ng hăm tơ drong jang đơ̆ng rim ‘măng hop akŏm Kuôk hô̆i; tơ drong jang đơ̆ng Grŭp lơ trong, hơ tŏk tơ drong kơ chăng, hơ gei đơ̆ng dôm bơ ngai jang lơ̆m Khŭl chĕp kơ̆l; hơ vơn tôch ai tơ drong vang jang đơ̆ng dôm bơ ngai jang lơ̆m Grŭp.

Thuem: Tơ blơ̆