VOV4.Bahnar - Pơ gê 6/7, hăm đĭ đăng bơ ngai tang măt drơ̆ng nơ̆r, Anih chĕp kơ̆l pơ gơ̆r Kuô̆k hô̆i hlôi drơ̆ng nơ̆r ăn tơ drong tơ chơ̆t găh thuê̆ vei lăng cham char hăm đak xăng, đak dâu, greh. Anih chĕp kơ̆l pơ gơ̆r Kuô̆k hô̆i hơ met ming thuê̆ vei lăng cham char hăm đak xăng, đak dâu, greh jur kơ đeh hlŏh kơ sô̆ hơ găt thuê̆ truh đĭ ‘năr 31/12/2022 nhen thoi âu:

Đak xăng (ưh kơ jô̆ etanol) jur đơ̆ng 2.000 hlak 1 kơ lich pă 1.000 hlak 1 kơ lich; đak xăng gre păr jur đơ̆ng 1.500 hlak 1 kơ lich pă 1.000 hlak 1 kơ lich; đak dâu diesel jur đơ̆ng 1.000 hlak 1 kơ lich pă 500 hlak 1 kơ lich; đak dâu mazut păng nhơk jur đơ̆ng 1.000 hlak 1 kơ lich pă 300 hlak 1 kơ lich; greh jur đơ̆ng 1.000 hlak 1 kĭ pă 300 hlak 1 kĭ; đak trôl ‘nŏh 300 hlak 1 kơ lich yoa ‘nâu jĭ kơ sô̆ kơ đeh hlŏh lơ̆m thuê̆ bơih. Anih chĕp kơ̆l pơ gơ̆r Kuô̆k hô̆i drơ̆ng nơ̆r năr tơ mât yoa tơ drong tơ chơ̆t âu đơ̆ng ‘năr 11/7/2022.

Dơ̆ng: Tơ blơ̆