Tơ̆ dơnŏk Phú Câu, phương Tuy Hòa, hloh 80 tong duk rôp ka ngư mă lơ noh pơtơm rôp you ka ah blŭng sơnăm 2026; lơ duk tam mă năm rôp you ka kơlih kơjă đak xăng đak dou tŏk kăp. Kiơ̆ jô̆ hơlen, duk tih đơ̆ng 400 ma lư̆k tŏk tơ̆ kơpal kăl đơ̆ng 5-5,5 tơ̆n đak dou ăn minh khei chă rôp you ka, lơ̆m kơplah noh kơjă ka pơhlom 100.000 hlj 1 kĭ, noh athei rôp you tŏ sĕt jat noh 2,5 tơ̆n pơtơm tôm.

Ưh hơdrô̆ duk năm rôp you tơ̆ hơtaih, duk chă rôp tơjê̆ adoi huach hloh 2 'măng, kon pơlei jang ka ưh đei yua lơ. Mă hlôi yua dôm tơdrong mong răk đak dou đak xăng nhen pơlăp kơmăi hơlen ka ngư, yua unh LED, mă lei adoi ưh đei tơnăp. Kon pơlei jang ka hơpơi 'meh đei trong pơkăp jang tơgŭm kơjăp hloh vă pơtoi chă jang rôp you ka tơ̆ đak dơsĭ.