Hlŏh 1 puăt khei âu ki, Festival pơ kao Đà Lạt ‘măng mă 9 sơ năm 2022 đei tơ lĕch hăm 1,2 tơdrong jang đei pơgơ̆r tơ̆ Bảo Lộc, Đà Lạt păng dôm apŭng tơ jê̆, lơ̆m nŏh akŏm lơ tơ̆ Đà Lạt. Vă pơm lăp hăm tơ drong ‘mĕh truh ngôi, pơdơ̆h đơ̆ng tơmoi, lơ anih jang chă tơmang lăng tơ̆ tơring tơlĕch jên man hơmet lơ anih, pơ jing lơ tơmam pơ yoa ăn tơdrong chă tơmang lăng. Kŭm hăm hơ tŏk jơhngâm đon pơvih pơvăn, tơdrong vei lăng kơ jă tơ̆ rim anih jang, tĕch mơ dro, vei sơđơ̆ng tơ pôl, sơđơ̆ng tơ̆ trong nơ năm kŭm đei dôm anih jang kơ pal tơ̆ tơring tơ lĕch jang ‘lơ̆ng.

Dêh char Lâm Đồng dang ei đei hlŏh 3.000 anih tep pơ dơ̆h, hăm hlŏh 38.000 tŏ lăm, pơm lăp hăm tơdrong ăn dang 75.000 ‘nu bơngai truh tep pơ dơ̆h mĭnh măng năr, lơ̆m nŏh hơdrô plt Đà Lạt chă anih tep pơdơ̆h ăn hlŏh 60.000 ‘nu bơngai lơ̆m 1 năr, tam mă jô̆ truh dôm anih tep tơ̆ hnam homestay, hnam tep pơdơ̆h hmă. Yoa thoi nŏh, lơ̆m khei pơgơ̆r Festival pơkao Đà Lạt ‘măng mă 9 kŭm nhen ƀât têt tây, tết nguyên đán truh âu kơnh, Đà Lạt – Lâm Đồng gô ưh đei tơdrong ưh kơmăh anih tep pơdơ̆h nhen dôm sơnăm adrol ki.