VOV4.Bahnar - Ƀok Đoàn Ngọc Có- Kơ iĕng Kơdră chĕp pơgơ̆r Dơnŏ anĭh vei lăng Chŏh jang sa păng atŏk tơ iung tơring tơrang dêh char Gia Lai tơbăt, akŏp hơgăt tĕh jang sa tơ̆ dêh char Gia Lai ‘nŏh hlŏh 550.590 ha hăm rim kơ loăi ‘long pơtăm nhen: chehphe, ksu, tiu, ‘long sa plei, ‘long pơgang, ƀa, ƀum ƀlang, hơƀo păng ‘nhot sa. Dôm sơnăm tơ jê̆ au, dơnŏ anih vei lăng chŏh jang sa dêh char Gia Lai jang sa iŏk đei hlŏh 30.000 ti hlak jên lơ̆m sơnăm, lơ̆m au hơdrô̆ găh chŏh jang iŏk đei hlŏh 26.140 ti hlak jên.

Vă hơmet pơ ‘lơ̆ng chŏh jang sa kơ jăp ‘lơ̆ng, dôm sơnăm au ki, dêh char Gia Lai hlôi tơplĭh mơjĭt rơbau hektar ‘long pơtăm ư̆h kơ jing ‘lơ̆ng vă pơtăm dôm ‘long pơtăm trŏ ƀlep ƀiơ̆. Lơ̆m dêh char đei dang 231.000ha hơgăt tĕh rim kơ loăi ‘long pơtăm ‘lơ̆ng, tơgoăt jang hơdoi tĕch mơdro.Kiơ̆ đơ̆ng ƀok Đoàn Ngọc Có, khei năr kơnh, dêh char hơnơ̆ng tơlĕch lơ trong jang vă atŏk kơtang kơ jă tơmam drăm chŏh jang sa, mă kăl akŏm atŏk kơtang tĕch mơdro tơ̆ tĕh đak đe.

Tơblơ̆ nơ̆r: Amazưt