Kiơ̆ tơlĕch jang đơ̆ng Hơnih jang vei lăng kon pơlei dêh char Gia Lai gô khŏm mă pơih lê̆ dôm tơdrong ming man glăi rok kiơ̆ pơnơ̆ păng hơbong đak, pơm tơhlăk ăn đak ro, atŭm hăm noh tơguăt hăm trong jang ming man păng hơmet vă vei sơđơ̆ng ăn tơdrong pơchoh đak tơ̆ đak krong Hà Thanh. Lơ̆m sơnăm 2026, dêh char asong jên hloh 280 tih hlj vă hơmet dôm tơdrong jang kăl, akŏm chong chor ăn đak ro sơđơ̆ng hơdrol kơ khei đak hơbông. Tơdrong tơm lơ̆m noh yông 'nhăk 75 unh hnam oei glăi tơ̆ jih pơnơ̆ đak tơ̆ xah Tuy Phước păng phương Quy Nhơn Bắc.

Jăl sơnăm 2027-2030, dêh char kơchĕng vă asong hloh 2.395 tih hlj vă keh đang dôm tơdrong đei pơkăp, vă vei sơđơ̆ng đunh khei năr păng hơtŏk tơ-iung kơjăp ăn tơring bah đak krong. Hơnih jang vei lăng kon pơlei dêh char pơjao ăn Hơnih Choh jang xa păng Cham char pơgơ̆r, jang atŭm kơjăp hăm dôm hơnih jang đei tơrĕk keh đang tơdrong pơkăp jang hơdah hơdrol kơ năr 06/3/2026 vă pơtơm tơlĕch jang.