Kiơ̆ tơlĕch jang, phương An Nhơn Tây đei teh să hloh 75 km², phương Chư Sê să pơhlom 125 km², phương Phù Mỹ đei teh să jê̆ 55 km², phương Tây Sơn să jê̆ 100 km², păng phương Tuy Phước să pơhlom 53 km². Hơdrol kơ noh, iŏk nơ̆r tơgop đơ̆ng kon pơlei ăn ƀôh, kon pơlei tơ̆ tơring drơ̆ng lăp hăm tơdrong pơjing phương, tơƀôh tơdrong lui ngeh păng hơpơi 'meh lơ̆m tơchơ̆t jang hơtŏk tơ-iung kơ tơring.

Đơ̆ng rŏng kơ hơgrop hơnih jang hanh chĭnh, dêh char Gia Lai đei 135 xah păng phương. Kiơ̆ tơchơ̆t tơlĕch, 'nguaih 5 xah gô vă hơtŏk jing phương lơ̆m sơnăm ou, truh sơnăm 2028, Gia Lai gô chih hô sơ pơkăp pơjing phương hăm 8 xah 'noh An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông păng Bình Khê. Truh sơnăm 2030, Gia Lai gô pơtoi chih hô sơ vă pơjing phương hăm 3 xah 'noh Đề Gi, Chư Prông păng Bình Dương.