Kơdră Quốc hội tơbăt, đơ̆ng rŏng hloh 1 sơnăm bơ̆jang kiơ̆ Luơ̆t teh sơnăm 2024, mĭnh ƀar tơdrong tơhlăk găh proh hơmet, pơkăp kơjă, iŏk pơdreo, pơjao păng ăn thuê teh hlôi ƀôh hơdăh, mă loi ‘noh jĭ lơ̆m khei ‘năr pơgơ̆r khŭl kơdră chĕp kơ̆l tơring 2 tăl.

Tơdrong hơmet ming luơ̆t kăl kơ lăng truh pơjing luơ̆t kơchơ̆ng, hơgăt dôm tơdrong kăl, hơdai hăm đei trong jang ‘lơ̆ng, hrơ̆ch hăm hơmet ming bơ̆jang, tơplih kơsô̆ păng dôm luơ̆t ƀơm truh. Găh kơjă teh, Kơdră Quốc hội athei pơm hơdăh tơdrong iŏk yua kơƀang kơjă teh păng kơsô̆ hơmet ming lơ̆m hrŭ ‘mong, jô̆ jên iŏk yua teh, jên thuê teh; vei sơđơ̆ng kơjă hơtŏ anih tĕch mơdro mă lei ưh kơ gơh pơm tơplih tơdrong kăl đơ̆ng tĕch mơdro, veh ver tơdrong “kơjă druh kiơ̆ kơjă”, pơm ăn jên tŏk lơ păng tơdrong jang pơhiơ̆.