Kiơ̆ chih akŏm, lơ̆m 5 sơnăm đơ̆ng 2021 truh sơnăm 2025, tŏ 'mi kial pơrăm pơm 1.455 'nu bơngai lôch păng hiong, pơrăm hloh 230 rơbou tih hlj; lơ̆m sơnăm 2025, tơdrong răm tŏk hloh 100 rơbou tih hlj. Chih akŏm ăn tơdrong jang sơnăm 2026-2030 akŏm lơ̆m dôm trong jang tơjră hăm 'mi kial kơtang, đak hơbông, teh hơlih, tŏ pơđang pơrăm păng đak ƀăt hram.

Pơtôch tơdrong hop akŏm, Phŏ Thủ tướng Hồ Quốc Dũng athei dah hrôih tơlĕch tơdrong jang hăm dôm tơdrong jang mă hơdah, gơh pơm jang, pơkăp kơ teh đak, vei sơđơ̆ng tơdrong jang hơdoi kơ rim hơnih juăt jang, rim tơring păng rim dêh char. Tơdrong tơlĕch jang athei sơkơ̆t hơdah tơdrong jang đơ̆ng Trung ương păng tơring; băt hơdah gah 'mi kial hli hlơt kiơ̆ kơ rim tơring; jang hơdoi vă tang găn păng tơjră tŏ 'mi kial pơrăm lơ̆m pơkăp tơdrong pơm jang.