VOV4.Bahnar - Hơ drol sơ năm hŏk ‘nao 2022-2023, anih vei lăng pơ tho pơ hrăm Gia Lai tŏk bŏk tơ lĕch jang hrơ̆ch 1 ‘măng lơ trong jang vă vei sơ đơ̆ng tôm kơ sô̆ thây kô pơ tho, mă loi ‘noh jĭ thây kô pơ tho bộ môn lơ̆m tơ drong pơ tho pơ hrăm Phổ thông ‘nao hăm dôm grŭp lăm 3, lăm 7 păng lăm 10. Kiơ̆ pơ tôch hơ len lăng đơ̆ng Anih vei lăng găh pơ tho pơ hrăm dêh char Gia Lai, sơ năm hŏk 2022-2023 âu, dêh char ưh kơ măh 3.414 ‘nu thây kô pơ tho jô̆ kiơ̆  hơ găt kơ sô̆ hŏk tro.

Vă vei sơ đơ̆ng ăn sơ năm hŏk ‘nao, dôm apŭng, thĭ xăh, pơ lei tơm tơ̆ Gia Lai tŏk bŏk tơ lĕch jang pơm hla ar, rơ̆ih ‘nao thây kô pơ tho nơ̆r Anh; Anih vei lăng găh pơ tho pơ hrăm pơ gơ̆r pơ hrăm ming môn tin học păng công nghệ jăl 1 hăm đe thây kô pơ tho gơh vă pơm lăp hơ năp jang pơ tho pơ hrăm ƀơ̆t măt. ‘Ngoăih kơ ‘noh, kiơ̆ athei đơ̆ng Anih vei lăng kon pơ lei dêh char Gia Lai, rim tơ ring tŏk bŏk jang hơ dai hăm anih jang pơ tho pơ hrăm hơ nơ̆ng tŭn hrĕnh tơ drong akŏm lăm, tơ mơ̆t hơ dai hnam trưng, kăt tơ jur bơ ngai jang tŏ sĕt.

Thuem: Tơ blơ̆