Đei pơgơ̆r đơ̆ng năr 27 truh năr 29/3/2026, giĕng lêh blŭng a hăm Hop akom “Tơmang pơhiơ̆ Gia Lai - Tơdrong đei păng hơmŏ kơtang”, hơnih rim bơngai joăt jang, hơnih mơdro sa pơma dơnuh, tơlĕch nơ̆r jang atŏk tơ iung tơmang pơhiơ̆ kơjăp ‘lơ̆ng, lăng truh hơnih jang apŭng plĕnh teh. Hop akŏm Pơtrŭt tơmơ̆t jên jang Gia Lai năr 28/3 gô hơvơn đei kơhrĕng hơnih mơdro sa vang năm, pơih đei trong rơvơn tơmơ̆t jên jang, atŏk tơ iung tơdrong vă jang. Tơdrong kăl kơ Lêh pơgơ̆r blŭng a Sơnăm Tơmang pơhiơ̆ Teh đak 2026 lơ̆m gơmăng năr 28/3 hăm tơdrong pơgơ̆r joh ayŏ gĭt kăl, tơƀôh hơdăh hloh dơ̆ng tơdrong oei sa joh ayŏ joăt joe sơ̆ ki, chăl sơnăm păng tơdrong ‘meh vă atŏk tơ iung kơtang kơ tơring Tây Nguyên. Pơđĭ lơ̆m tơdrong pơgơ̆r Sơnăm tơmang pơhiơ̆ gô đei 244 tơdrong jang ‘lơ̆ng hơ iă hăm lơ tơdrong jang.