Gia Lai hơtŏk đon rơgei, jang gơ̆h ăn khul kăn ƀô̆
Thứ tư, 14:33, 20/05/2026
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar – Vă hơmet ‘lơ̆ng khul bơngai jang, pơm lăp hăm tơdrong ‘mĕh vă đơ̆ng Khul kơdră pơgơ̆r tơring 2 tăl, lơ̆m 1 sơnăm âu ki, dêh char Gia Lai đei lơ trong pơtho pơhrăm, hơtŏk đon rơgei, jang gơ̆h ăn khul kăn ƀô̆, bơngai jang kơ teh đak kiơ̆ trong, rơgei đei yoa tơ̆ yăn âu păng bơ̆ jang hăm kơmăy.
Mă hơdăh, dôm khei hơtuch sơnăm 2025, hlŏh 24.000 ‘nu kăn ƀô̆ lơ̆m dêh char Gia Lai đei pơtho pơhrăm ming tơdrong jang. Lơ̆m noh đei hlŏh 7.000 ‘nu bơngai đei pơtho hơlen găh kơmăy sô̆; hlŏh 10.500 ‘nu kăn ƀô̆ mơlôh păng đoàn viên đei hŏk pơhrăm, iŏk yoa kơmăy rơgei. Hrei ‘nâu, Gia Lai pơtơm iŏk yoa ‘lơ̆ng kơmăy rơgei vă hơlen năng rim hla ar hô sơ teh đơ̆ng dêh char truh tơ̆ xăh vă tơjur ƀiơ̆ jơnăr pơm hla ar vei lăng. Tơ̆ hơnăp kơnh, dêh char vă kơchăng pơtho pơhrăm ming dơ̆ng khul kăn ƀô̆ tơ̆ xăh mă rơgei, gơ̆h vei lăng lơ tơdrong, lăp hăm tơdrong jang đơ̆ng khul kơdră pơgơ̆r tơring 2 tăl.
Viết bình luận