Mât lơ̆m jăl jang ‘nao, MTTQ Việt Nam dêh char Gia Lai tơlĕch 6 tơdrong jang tơm đei: Tơplih ‘nao trong roi tơbăt, pơjing tơdrong drơ̆ng pôm nơ̆r lơ̆m tơpôl; hơtŏk tơdrong roi tơbăthăm kơmăy sô̆ păng băt hơdăh rim nơ̆r pơma đơ̆ng tơpôl; Hơtŏk tơdrong ‘lơ̆ng đơ̆ng dăr lăng, tơl tơblang; hơmet kơjăp dôm tơdrong hơgăt kon pơlei pơm tơm tơ̆ tơring; Bơ̆ jang đei yoa dôm tơdrong krao hơvơn, tơdrong pơjei băl bơ̆ jang.

Pơma nơ̆r pơtho tơ̆ Hop akŏm, Bí thư Đảng dêh char Gia Lai Thái Đại Ngọc athei Mặt trận dêh char lơ̆m jăl jang truh hơnơ̆ng hơtŏk hơnăp jang tơm lơ̆m tơdrong pơjing, tơguăt đĭ đăng hơdrĕch hơdrung. Hop akŏm pơma nuh, rơih 134 ‘nu bơngai jang, Khul kơdră chĕp kơ̆l đei 9 ‘nu; ƀok Nguyễn Ngọc Lương, Phó Bí Đảng dêh char, Kơdră Anih MTTQ Việt Nam dêh char jăl jang 2024-2029, đei pôk pơm Kơdră Anih MTTQ Việt Nam dêh char jăl I. Hop akŏm oei pơma nuh, rơih Khul tang măt đei 26 ‘nu bơngai vang năm Hop akŏm bơngai tang măt lơ̆m teh đak kơ Anih MTTQ Việt Nam jăl jang 2026-2031.