Akŏm đĭ đăng jên man 7 tŏ Hnam trưng teh đak rong jăl mônh păng jăl ƀar tơ̆ dôm xăh sơlam găh Pơmât kơ dêh char Gia Lai hlŏh 1.500 ti hlak jên, đei man lơ̆m teh xă vă jê̆ 52 ha. Dêh char tơlĕch đon pơhnŏng man đang păng pơjao đĭ đăng 7 tŏ hnam trưng adrol kơ ‘năr 31/7/2026. Mă lei, hrei ‘nâu, ‘nao đei 1 pôm hnam trưng tơ̆ Ia Púch jang trŏ năr hơgăt, oei 6 tŏ hnam trưng nai ‘nŏh tơtă hiơ̆ ngăl. Tơdrong tơm ‘nŏh yoa anih roi tơƀôh tơlĕch trong jang hiơ̆, ưh kơmăh bơngai jang, kŭm hăm yă tơmam ming man tŏk lơ̆m khei ‘năr tơjê̆ âu.

Kiơ̆ đơ̆ng hơlen năng tơ̆ yăn âu, Bí thư Đảng dêh char Gia Lai Thái Đại Ngọc athei tơ ‘ngla tơmât jên jang păng dôm anih iŏk jang ming man akŏm bơngai, jên, tơmam hơmet pơ ‘lơ̆ng pơmat tat, hơtŏk hrĕnh tơdrong jang ming man. Dôm anih jang kơpal vang jang hơdoi hơmet pơ ‘lơ̆ng pơmat tat găh tơmam ming man, pơm ‘lơ̆ng ăn tơdrong jang gơ̆h man đang, tơtom tơmât yoa lơ̆m sơnăm hŏk ‘nao. Atŭm hăm ‘nŏh hơlen năng, tơlĕch jên man hơmet dơ̆ng dôm anih kăl vă Hnam trưng roi đei yoa ‘lơ̆ng, năng kăl truh tơdrong pơtăm ‘long, man hnam oei ăn thây kô păng hŏk tro, kŭm hăm anih hơmet pơ ‘lơ̆ng râm rĕk.