Anih chĕp kơ̆l pơgơ̆r khul linh Ƀô đô̆i vei lăng tơring sơlam dêh char Gia Lai pơtho ăn 8 kơđông linh găh sư, akŏm khul linh, hơtŏk tơdrong jang, pơgơ̆r vei lăng, dăr joang, vei kơjăp 80km trong sơlam tĕh đak. Atŭm hăm ‘nŏh, hơtŏk tơdrong tơjră hăm dôm tơdrong pơm glăi luơ̆t, mă loi găh ma túy, tĕch mơdro ôn, hơlĕnh pơdăr, tĕch mơdro, chơ chuĕn, iŏk yoa kơmlăi ƀât adrol, lơ̆m păng đơ̆ng rŏng kơ Tết Nguyên đán. 

Anih chĕp kơ̆l pơgơ̆r khul linh Ƀô đô̆i vei lăng tơring sơlam dêh char Gia Lai jang hơdoi hăm dôm khul jang kơpal kơ tĕh đak Campuchia chă hơlen năng rim tơdrong đơ̆ng ‘ngoăih, atŭm hăm ‘nŏh pơgơ̆r jang hơdoi kơjăp hăm dôm khul jang kơpal tơ̆ tơring sơlam, jang ‘lơ̆ng tơdrong tang găn, kơchăng tơjră păng sek tơlang đĭ đăng rim tơdrong ưh ‘lơ̆ng tơdăh đei.